مسٹر چوہان نے ٹوئٹ کر کے کہا کہ 'ریاستی کابینہ میں ساتھیوں کو ملے نئے محکموں کی نئی ذمہ داری کے لیے مبارکباد اور نیک خواہشات پیش کرتا ہوں'۔
انہوں نے مزید کہا کہ 'ہم عہد کریں کہ ریاست کی ترقی اور عوامی فلاح و بہبود کے لیے سخت محنت کریں گے، تاہم ریاست کو دنیا کی بہترین ریاست بنانے کے عہد کو مشترکہ طور پر پورا کریں گے'۔
انہوں نے کہا کہ وزیراعظم نریندر مودی کی قیادت میں ہم سبھی ساتھی خدمت کے مقدس اہداف حاصل کرنے میں مصروف ہوجائیں۔
انہوں نے کہا کہ آیئے ہم عہد کریں کہ نیا مدھیہ پردیش بناکر ہم سب وزیراعظم جی کے خوابوں کے بھارت کی تعمیر کے خواب کو شرمندہ تعبیر کریں گے'۔
واضح رہے کہ وزیراعلی شیوراج سنگھ چوہان نے دو جولائی کو 28 نئے وزرا کو شامل کرکے کابینہ کی توسیع کی تھی، جس میں پانچ وزیر پہلے سے ہی ہیں۔
دراصل تقریباً چار ماہ پہلے کانگریس چھوڑ کر بھارتیہ جنتا پارٹی (بی جے پی) میں شامل جیوترادتیہ سندھیا کے حامی تقریباً ایک درجن وزیر ہیں۔
مانا جارہا تھا کہ اہم مانے جانے والے محکموں کے سلسلے میں کھینچ تان چل رہی ہے، اس لیے چوہان، مرکزی قیادت، ریاستی تنظیم کے علاوہ سندھیا کو بھروسے میں لےکر پھونک پھونک کر قدم رکھ کر آگے بڑھنے کی پالیسی پر چل رہے ہیں۔
