بھوپال: ہندو مذہبی گرو شنکر اچاریہ سوروپانند سرسوتی انتقال کر گئے۔ ان کی عمر 99 برس تھی۔ شنکر اچاریہ سوروپانند سرسوتی نے مدھیہ پردیش کے نرسنگھ پور کے جھوتیشور مندر میں آخری سانس لی۔ وہ کافی عرصے سے بیمار تھے۔ دوارکا کے شاردا پیٹھ کے شنکر اچاریہ اور جیوتری مٹھ بدری ناتھ نے 2 ستمبر کو اپنی 99 ویں سالگرہ منائی تھی۔ شنکر اچاریہ نے رام مندر کی تعمیر کے لیے ایک طویل قانونی جنگ لڑی۔ انہوں نے تحریک آزادی میں بھی حصہ لیا۔ Swaroopanand Saraswati
سوامی سوروپانند سرسوتی کی پیدائش مدھیہ پردیش کے سیونی ضلع کے دیگھوری گاؤں میں ہوئی تھی۔ برہمن خاندان میں پیدا ہوئے شنکر اچاریہ کے والدین نے ان کا نام پوتھی رام اپادھیائے رکھا۔ پوتھی رام اپادھیائے نے صرف نو سال کی عمر میں گھر چھوڑ کر مذہب کا سفر شروع کیا۔ اس دوران وہ اتر پردیش میں کاشی پہنچے، جہاں برہملن شری سوامی کرپاتری مہاراج نے وید-ویدانگ، شاستروں کی تعلیم حاصل کی۔ سنہ 1942 میں صرف 19 سال کی عمر میں وہ ایک انقلابی سادھو کے طور پر مشہور ہوئے کیونکہ اس وقت ملک انگریزوں سے آزادی کی جنگ لڑ رہا تھا۔
