دگ وجے سنگھ کا متنازع بیان

مدھیہ پردیش کے سابق وزیراعلی اور کانگریس کے سینیئر رہنما دگ وجے سنگھ نے کہا کہ 'پاکستان کی خفیہ ایجنسی آئی ایس آئی کے لیے مسلمانوں سے زیادہ غیر مسلم جاسوسی کرتے ہیں۔'

دگ وجے سنگھ نے بجرنگ دل اور بی جے پی پر آئی ایس آئی سے پیسہ لینے کا بھی الزام عائد کیا۔

سنگھ نے ملک کی اقتصادی حالت اور دفعہ 370 ہٹائے جانے پر بھی مرکزی حکومت پر نکتہ چینی کی۔

انہوں نے کہا کہ 'حکومت کو صرف ملک کی معاشی و اقتصادی حالت پر توجہ دینا چاہیے۔'

آٹوموبائل سیکٹر میں چھائی مندی پر انہوں نے کہا کہ 'تین لاکھ گاڑیاں اور 35 لاکھ بائیکز فروخت نہیں ہو سکی ہیں، اس سیکٹر میں ہی صرف 10 لاکھ لوگ بے روزگار ہو رہے ہیں۔'

دگ وجے سنگھ نے یہ بھی دعویٰ کیا کہ '50 لاکھ لوگ صرف نوٹ بندی سے بے روزگار ہوئے ہیں۔'