قبائلیوں کی فلاح و بہبود کے لیے کام کرنے والے سماجی کارکن اسٹین سوامی کو این آئی اے نے بھیما کورے گاؤں تشدد معاملے میں گرفتار کیا تھا، جن کی حراست میں موت ہوگئی۔
اس پر سوشل ڈیموکریٹک پارٹی آف انڈیا نے مدھیہ پردیش کے شہر اندور میں کمشنر دفتر پہنچ کر صدر جمہوریہ کے نام ایک میمورنڈم سونپا، جس میں مطالبہ کیا کہ اسٹین سوامی کی موت کی ذمہ داروں پر سخت کاروائی کی جائے۔
سوشل ڈیموکریٹک پارٹی آف انڈیاکے ضلع صدر ڈاکٹر ممتاز قریشی نے حکومت پر الزام لگایا کہ سوامی کی موت سیاسی سازش کے تحت ہوئی ہے۔ جیل میں ان کو معقول علاج بھی نہیں ملا۔
مزید پڑھیں: گلبرگہ: فادر اسٹین سوامی کی موت پر ایس ڈی پی آئی کا احتجاج
ایس ڈی پی آئی کے کارکن اپنے ہاتھوں میں بینر لیے کمشنر دفتر پہنچے تھے، جس پر لکھا تھا کیا متحد ہوکر غلط کی مخالفت کرنا بھارت میں جرم ہے؟ اگر نہیں تو پھر اسٹین سوامی کو جیل میں کیوں ڈالا ؟
