بھوپال: بزم ضیاء کے تحت پرشکوہ 'سرونج مشاعرہ'

مدھیہ پردیش کے ادبی شہر سرونج میں استاد شاعر ضیاء اسدی کی یاد میں بزم ضیاء کے تحت شاندار مشاعرے کا انعقاد کیا گیا- اس مشاعرے کا انعقاد ای ٹی وی بھارت اردو کی جانب سے کیا گیا تھا جس کی عوامی حلقوں میں بالعموم اور ادبی حلقوں میں بالخصوص زبردست پزیرائی کی جا رہی ہے۔

ریاست مدھیہ پردیش کے ضلع ودیشہ کے ادبی طور پر زرخیز شہر سرونج، دارالحکومت بھوپال سے 120 کلومیٹر کے فاصلے پربسا ہوا ہے۔ اس شہر نے مدھیہ پردیش کو بڑے بڑے شعراء و ادباء دیے ہیں۔ جس میں خاص طور پر خالد محمود، مختار شمیم، ڈاکٹر میر شاہد، فرید اقبال جیسے قابل قدر نام شامل ہیں۔

وہیں شہر سرونج میں آج استاد شاعر ضیاء اسدی کو بزم ضیاء کے تحت یاد کیا گیا۔ جس میں مدھیہ دیش کے کئی اضلاع سے جید شعراء کرام نے شرکت کر مشاعرے کو تاریخی کامیابی سے ہمکنار کیا۔
آج کے مشاعرے بزم ضیاء کی نظامت کے فرائض معتبر شاعر فرمان ضیائی نے انجام دیے۔