Sampathi Foundation: سمپھتی فاؤنڈیشن کے روزگار میلہ سے متعدد افراد مستفید

تعلیمی میدان میں مسلسل کام کرنے والی تنظیم سمپھتی فاؤندیشن Sampathi Foundation عالمی وبا کورونا وائرس سے بے روزگار ہونے والے لوگوں کو روزگار سے جوڑنے کا کام شروع کردیا ہے۔ اس مہم کے تحت اب تک متعدد افراد کو روزگار سے جوڑا جا چکا ہے۔

بھوپال: مدھیہ پردیش کے بھوپال کی تنظیم سمپھتی فاؤنڈیشن Sampathi Foundation کی جانب سے روزگار ایونٹ کا انعقاد کیا گیا جس میں 7 افراد کو روزگار فراہم کیا گیا۔ یہ تنظیم گذشتہ 6 برسوں سے مسلم طبقے میں بیداری کے لیے کام کررہی ہے جس کے تحت تنظیم مسلسل ایسے غریب لوگوں کے بچوں کو تعلیم فراہم کرنے کے لیے مدد کررہی ہے جو تعلیم میں ہونے والے اخراجات کو برداشت نہیں کر پاتے اور مجبوراً بچوں کو کام پر لگادیتے ہیں۔ تنظیم ایسے بچوں کو اسکول بھیجنے کا انتظام کرتی چلی آرہی ہے۔ تنظیم ان بچوں کے اسکول کی کتابیں اور ان کو اسکالر شپ بھی فراہم کرتی ہے۔ اس کے علاوہ سمپھتی فاؤنڈیشن Sampathi Foundation ایسے بزرگوں کے لیے مہم شروع کی ہے جن کا کوئی دیکھ بھال کرنے والا موجود نہیں ہے، ایسے بزرگوں کو تنظیم ہر مہینے راشن کٹ فراہم کرتی۔ اب تنظیم نے کورونا وائرس کے دوران بےروزگار ہونے والے افراد کو روزگار فراہم کرنے کے لیے کام کررہی ہے۔

تنظیم کے ذمہ دار ایسے لوگوں کا انتخاب کرتے ہیں جو واقعی مستحق ہیں۔ اس کے بعد انہیں ان کے من چاہا روزگار حاصل کرنے میں مدد فراہم کی جاتی ہے جس کے ذریعے ضرورت مندوں کو کافی مدد بھی مل رہی ہے۔' Sampathi Foundation Organize Job Mela

تنظیم سمپھتی فاؤنڈیشن نے اب لوگوں کو مزید فائدہ پہنچانے کی غرض سے ہوم کلیننگ پروڈکٹ بنانے کا کام شروع کیا ہے تاکہ نوجوانوں کو ملازمت ملے اور پروڈکٹ کے ہونے والے منافع کو ضرورت مند کے لیے روزگار اور غریب بچوں کی تعلیم کی فراہمی خرچ کیا جا سکے'۔