مدھیہ پردیش کے دارالحکومت بھوپال سے تعلق رکھنے والے عالمی شہرت یافتہ شاعر منظر بھوپالی نے اپنی بیماری کی خبر خود اپنے سوشل میڈیا اکاؤنٹ کے ذریعہ لوگوں کو بتائی۔
ان کے چاہنے والوں کو جب اس کی خبر ملی تو فکر اور دعاؤں کے میسج سوشل میڈیا پر لگاتار چل رہے ہیں ۔
دراصل گزشتہ کئی دنوں سے منظر بھوپالی کی طبیعت ناساز چل رہی تھی جس کے سبب انہوں نے اپنا کورونا ٹیسٹ کروایا تھا اور جمعرات کے روز ان کی رپورٹ پازیٹیو آئی۔
رپورٹ کے مطابق منظر بھوپالی میں کورونا کورونا کے ابتدائی علامات ظاہر ہوئیں تھی جس کے بعد انہیں جمعرات کی رات اسپتال میں داخل کروایا گیا۔
اسی دوران ان کی اہلیہ اور بیٹی کا کورونا ٹیسٹ گھر پر ہی کروایا گیا، خوش قسمتی سے ان دونوں کی رپورٹ نگیٹیو آئی۔
وہیں منظر بھوپالی نے آج صبح سوشل میڈیا کے ذریعے کہا ہے کہ 'میرے چاہنے والوں کی دعاؤں کا اثر ہے کہ مجھے اب بہتر محسوس ہو رہا ہے'۔
انہوں نے اپنے چاہنے والوں کا شکریہ ادا کرتے ہوئے کہا کہ 'ان کی دعائیں جلد ہی رنگ لائے گی اور وہ پوری طرح صحتیاب ہو کر جلد سب کے درمیان ہوں گے'۔
