ریاست مدھیہ پردیش کے صنعتی شہر اندور کے کلکٹر نے کورونا وائرس سے تحفظ کے لیے آ ڈ ایون (جفت طاق) فارمولا نافذ کرنے کا فیصلہ کیا۔
دکانوں کے کھلنے کے اوقات میں تخفیف
شہر اندور میں کورونا وائرس سے بچنے کے لئے ضلع کلکٹر لوکیش کمار جٹاں نے بتایا کہ ضلع میں کورونا کے کیسز میں مسلسل اضافہ ہوتا جا رہا ہے، جس کے پیش نظر کرفیو کے احکامات میں کچھ ترمیم کی گئی ہے۔
انہوں نے بتایا کہ دکانوں کے کھلنے کا جو وقت متعین کیا گیا تھا اس میں تبدیلی کی گئی ہے۔ نئے شیڈول کے مطابق دکانوں کو اب صبح 8 بجے کھولنے کی اجازت ہوگی اور بعد دوپہر 1 بجے بند کیا جائے گا۔
انہوں نے مزید کہا کہ 28 تاریخ کو اوڈ نمبر کی گاڑیوں کو چلنے کی اجازت ہوگی اور 29 مارچ کو ایون نمبر کی جو گاڑیاں ہیں ان کو چلنے کی اجازت ہوگی جبکہ 30 مارچ کو تمام طرح کی گاڑیوں کو بند کر دیا جائے گا۔
