شہریت ترمیمی قانون اور این آر سی کی مخالفت میں ملک کے مختلف حصوں میں احتجاجی مظاہرے جاری ہے۔ اسی ضمن میں دارالحکومت بھوپال کے نوجوانوں نے گاندھی گری کے طریقے سے اپنی بات دہلی تک پہنچانے کی پہل کی ہے۔ بھوپال کے تاریخی اقبال میدان پر ایک جنوری سے شروع کیے گئے بے مدت ستیہ گرہ میں نوجوانوں کی موجودگی ہے۔
خواتین نے ستہ گھرہ شروع کیا
اس ستیہ گرہ میں دونوں ہی قوانین کے خلاف زوردار آواز بلند کی جا رہی ہے اور کہا جا رہا ہے کہ یہ کالا قانون ہمیں منظور نہیں۔ آج دن چڑھتے اقبال میدان پر اچانک کی خواتین کا ہجوم آپہنچا اور دیکھتے ہی دیکھتے یہ تعداد بڑھتی گئی۔ یہاں پہنچی خواتین نے کالا قانون منظور نہیں جیسے نعرے بلند کئے۔ خواتین نے کہا کہ ہم کسی کو کوئی ثبوت نہیں دیں گے۔
پیڑھیوں سے ہم ہندوستان کے شہری ہیں۔ ہمیں یہ کالا قانون منظور نہیں۔ انہوں نے الزام عائد کیا کہ یہ قانون ملک کے اتحاد اور بھائی چارے کو پارہ پارہ کرنے والا ہے۔ انہوں نے کہا کہ اب ہم گھر میں نہیں بیٹھیں گے بلکہ سڑکوں پر آکر قانون کے خلاف مورچہ سنبھالیں گے۔
