ریاست اترپردیش کے ضلع ہاتھرس میں پیش آئے اجتماعی جنسی زیادتی معاملے پر کارروائی نہ کرنے کو لےکر ملک بھر میں یوگی حکومت کے خلاف احتجاجی مظاہرے ہو رہے ہیں۔
اسی کے چلتے ریاست مدھیہ پردیش کے صنعتی شہر اندور میں ہاتھرس جنسی زیادتی کے معاملے کے خلاف دلت رہنماؤں اور کانگریس کارکنان نے حکومت کے خلاف خاموشی سے ہاتھوں میں تختی لے کر احتجاج کیا۔
اس موقع پر سابق رکن پارلیمان اور موجودہ کانگریس کے ضمنی انتخاب کے امیدوار پریم چند گڈو شریک ہوئے۔
انہوں نے کہا کہ ہم ہاتھرس جنسی زیادتی معاملے کی مذمت کرتے ہیں۔ آخر ایسی کیا وجہ تھی جو اترپردیش حکومت نے معاملے میں جلد کارروائی نہیں کی۔ انہوں نے کہا کہ لاش کو گھر والوں کو کیوں نہیں دیا گیا اور آخری رسومات ادا کرنے کیوں نہیں دی گئی۔
ہم مطالبہ کرتے ہیں کی اس معاملے میں یوگی حکومت سخت سے سخت اور جلد از جلد کارروائی کرے۔
