ریاست مدھیہ پردیش کے دارالحکومت بھوپال میں آج جشن عید میلادالنبیﷺ کو حکومت کی گائیڈلائن کے تحت منایا گیا۔
بھوپال میں عید میلادالنبیﷺ کے موقع پر فرانس کے خلاف احتجاج
وہیں پورے بھوپال میں آج کوئی بھی جلوس نہیں نکالا گیا۔ لیکن فرانس کے صدر کے خلاف پورے ملک کے ساتھ ساتھ بھوپال کے چندن نگر میں واقع مدرسہ حفظ القرآن کی جانب سے جلوس نکال کر مسلم طبقہ نے اپنے غصے کا اظہار کیا۔
یہ بھی پڑھیں: اندور میں جشن عید میلاد النبیﷺ کا شب سے ہی آغاز
آج کے احتجاج میں ملک کے مسلمانوں سے فرانس کی مصنوعات اور فرانسیسی اشیاء کا بائیکاٹ کرنے کی اپیل بھی کی گئی۔
وہیں، اس موقع پر اقوام متحدہ سے مطالبہ کیا گیا ہے کہ جس طرح کی حرکت فرانس کر رہا ہے اس پر لگام لگائی جائے۔ آج جشن عید میلادالنبیﷺ مناتے ہوئے جمعیت علماء ہند مدھیہ دیش کی جانب سے بھی فرانس کے صدر کی سخت مذمت کی گئی۔
