بھوپال: عالمی یوم عربی کے موقع پر تقریب کا انعقاد

مدھیہ پردیش کی برکت اللہ یونیورسٹی میں آج عالمی یوم عربی منایا گیا، جس میں عربی زبان کے فروغ اور اس کی ترقی کس طرح سے ہو اس پر روشنی ڈالی گئی۔

آج یعنی 18 دسمبر کو پورے عالم میں اقوام متحدہ کے ذریعہ عالمی یوم عربی منایا جاتا ہے۔ وہی آج اس موقع پر ریاست مدھیہ پردیش کی برکت اللہ یونیورسٹی کے زیر اہتمام شعبہ عربی میں عالمی یوم عربی کا اہتمام کیا گیا۔

جس میں برکت اللہ یونیورسٹی کے وائس چانسلر کے ساتھ شہر کے دانشوروں نے شرکت کر عربی زبان کی اہمیت پر روشنی ڈالی۔

مقررین نے آج عالمی یوم عربی کے موقع پر عربی زبان کی ترقی اور اس کے فروغ پر زور دیا، تو وہیں یہ بھی کہا گیا کہ جس طرح سے دوسری زبانوں کو حکومتوں کے ذریعہ اہمیت دی جاتی ہے، اسی طرح سے اس زبان پر بھی دھیان دینے کی ضرورت ہے۔

مقررین نے کہا کہ اس زبان کو سبھی کو سیکھنا چاہیے کیونکہ یہ زبان دنیا کے سبھی ملکوں میں بولی اور پڑھی جاتی ہے۔

وہیں عربی زبان مذہب اسلام کی روح ہے، اس زبان کو مذہب اسلام کی پہلی اور آخری زبان کا درجہ حاصل ہے۔