بھارت کی تاریخ کو توڑ مروڑ کر پیش کرنے کا الزام

سماجی, ثقافتی و ادبی تنظیم شعری اکادمی کے زیرا ہتمام منعقد پروگرام کے دوران ریٹائرڈ ڈی جی پی ایم ڈبلیو انصاری نے کہا کہ' بھارت کی تاریخ کو توڑ مروڑ کر پیش کرنے کی جو خراب سیاست ملک میں چل رہی ہے اس میں دن بہ دن اضافہ ہوتا جارہا ہیں'۔

بھوپال کی تنظیم شعری اکادمی کے پروگرام میں گاندھی جی کی جان بچانے والے بطخ میاں انصاری نامی کتاب کا اجراء عمل میں آیا-

رسم اجرا میں مہمانوں نے مہاتما گاندھی کے تعلق سے اپنے خیالات کا اظہار کیا۔انہوں نے مزید کہا کہ' ملک کو آزادی دلانے میں اپنی جان کو قربان کرنے والے بابائے قوم مہاتما گاندھی کے قاتل کو اپنا آئیڈ یل ماننے والوں کی تعداد بڑھتی جا رہی ہے۔ سید نصیر احمد کے ذریعے تحریر کردہ اس کتاب کو ہندی, اردو اور انگریزی زبان میں شائع کیا گیا ہے- ساتھ ہی اسکا تلگو ایڈیشن بھی تیار کیا جا رہا ہے-

ایم ڈبلیو انصاری نے اس کتاب کے ایک حصے کا ذکر کرتے ہوئے کہا کہ' سنہ1917 میں بطخ میاں انصاری نے چمپارن تحریک کے دوران گاندھی جی کی جان بچائی تھی اس دوران ایک تحریک کے لیے چمپارن پہنچے گاندھی جی سے انگریز خوفزدہ تھے جس کے بعد انہیں قتل کرنے کا منصوبہ بنایا گیا اور ان کے دودھ میں زہر ملا یا گیا جسے گاندھی جی پینے ہی والے تھے کہ بطخ میاں انصاری نے انہیں دودھ پینے سے روک دیا اس طرح گاندھی جی کی جان بچ گئی-'