دگ وجے سنگھ پر بی جے پی کی تنقید

ریاست مدھیہ پردیش میں جاری سیاسی ہلچل کو لیکر سابق وزیراعلی دگ وجے سنگھ آج اپنے باغی اراکین کو منانے کے لیے بنگلورو پہنچے۔

بھارتیہ جنتا پارٹی کے سینئر رہنما نروتم مشرا نے نامہ نگاروں سے بات کرتے ہوئے شاعرانہ انداز میں کہا کہ 'آگے کیا ہوگا خدا جانے، ماچس کو بھیجا ہے آگ بجھانے۔'

انہوں نےکہا مسٹر پنٹا دھار ایک اور سیاسی ہنگامہ کرنے گئے تھے- انہوں نے کہا بینگلورو میں اراکین اسمبلی ان سے ملنا نہیں چاہتے ہیں کیونکہ وہ لوگ وزیراعلی کمل ناتھ کے خلاف بول چکے ہیں اور وہ سب حکومت کے خلاف ہو چکے ہیں۔

نروتم مشرا نے کہا کہ 'گورنر نے انہیں دو بار اکثریت ثابت کرنے کو کہا پر کانگریس کو کرسی کا لالچ نے بھٹکا دیا ہے- انہوں نے کہا پہلے کانگریس حکومت کو ہم نے 15 برس کے لیے اقتدار سے دور کر دیا تھا اور اب اس بار بیس برس تک واپس نہیں لوٹیں گے-

انہوں نے کہا کہ 'حکومت اپنی اکثریت کھو چکی ہے اور ان کے پاس اب کوئی چارہ نہیں بچا ہے'-