مدھیہ پردیش کے ضلع بڈوانی میں ایک مخبر کی اطلاع پر پولیس نے سیندھوا کے دارو گودام علاقے میں واقع بی جے پی کے رہنما اور غنڈے سنجے کے گھر پر چھاپہ مارا جہاں سے غیر قانونی پستول، کارآمد کارتوس اور ہاتھ گولے ضبط کیے گئے۔
پولیس کے مطابق جس وقت کارروائی کو انجام دیا گیا اس وقت ملزمین موجود نہیں تھے بلکہ ان کی والدہ تھی جو سیندھوا میونسپل کارپوریشن کی چیئر پرسن ہیں۔
پولیس نے سنجے یادو اور اس کے بھائی جیتو یادو کی رہائش گاہ پر چھاپہ مار کر 13، پستول، 111 عدد کارآمد کارتوس اور 17 دیسی ساخت کے ہاتھ گولے کے ساتھ ساتھ دیگر خطرناک ہتھیار ضبط کیے۔
واضح رہے کہ سنجے یادو ضلع کے بااثر سابق وزیر انتر سنگھ آریہ کے قریبی لوگوں میں شامل ہے۔
پولیس افسر نے بتایا کہ بی جے پی کے رہنما سنجے پر قتل، اقدام قتل اور غیر قانونی طور پر ہتھیار رکھنے کے سنگین معاملے درج ہیں۔
پولیس نے سنجے یادو اور جیتو یادو کے خلاف آرمس ایکٹ کی مختلف دفعات کے تحت کیس درج کیا۔
ملزم سنجے یادو کے خلاف این ایس اے کی کارروائی کی جا رہی ہے۔
