سی اے اے کے خلاف ستیہ گرہ کے 29 دن مکمل

بھوپال کے تاریخی اقبال میدان پر شہریت ترمیمی قانون کے خلاف چل رہے اس ستیہ گرہ میں ہر مذاہب کے لوگ شرکت کر رہے ہیں۔

ریاست مدھیہ پردیش کے دارالحکومت بھوپال کے اقبال میدان پر چل رہے شہریت ترمیمی قانون کے خلاف ستیہ گرہ کو 29 دن مکمل ہو چکے ہیں۔ کامیابی کے ساتھ چل رہے اس ستیہ گرہ کو اور کامیاب بنانے کی اپیل کی جا رہی ہے۔

یکم جنوری سے چل رہے اس ستیہ گرہ میں سبھی مذاہب، ذات پات کے لوگ شامل ہو رہے ہیں۔ کبھی ہندو، مسلم، سکھ، عیسائی قومی یکجہتی کی مثال پیش کرتے نظر آرہے ہیں۔ تو کبھی لوگ روزہ اور اپواس رکھ کر اپنا احتجاج درج کرا رہے۔ اور کبھی شاعر اپنے انقلابی کلام سے ملک میں بولنے کی آزادی کی یاد دلا رہے ہیں۔

مزید پڑھیے:- کیرالا اسمبلی: حزب اختلاف نے گورنر کا بائیکاٹ کیا
مزید پڑھیے:- شرجیل امام کے ساتھ پولیس دہلی روانہ

اقبال میدان کے ستیہ گرہ میں شرکت کر رہے کانگریس رہنما کوثرشمیم نے کہا 'یہ ستیہ گرہ امن کے ساتھ چلایا جارہا ہے اور اپیل ہے کہ اس ستیہ گرہ میں سبھی لوگ بڑی تعداد میں شامل ہوں، کیونکہ اس ستیہ گرہ سےکسی ایک کو فائدہ نہیں ہوگا بلکہ اس سے پورے ملک کے لوگوں کو فائدہ پہنچے گا'۔

مزید پڑھیے: شاہین باغ کے مظاہرین کو دھمکی