ریاست مدھیہ پردیش کے دارالحکومت بھوپال میں کانگریس کمیٹی کے سینیئر رہنما اور ترجمان نریندر سلوجہ نے بتایا کہ ریاست کے وزیر داخلہ نروتم مشرا کو مغربی بنگال میں انتخابات کو دیکھتے ہوئے بھارتیہ جنتا پارٹی کے ذریعہ 48 اسمبلی سیٹز کا انچارج بنایا ہے۔
انہوں نے کہا کہ اس ذمہ داری کے بعد نروتم مشرا ان کا پورا دھیان مغربی بنگال کے انتخابات پر رہے گا اور اب انھیں زیادہ وقت مغربی بنگال میں ہی دینا ہوگا تاہم اور ہی میں وہ مغربی بنگال کا دورہ کرکے آئے ہیں۔
انہوں نے کہا کہ اس لیے محکمہ داخلہ ایک بڑا ہی حساس محکمہ ہے اور وزیر داخلہ کا عہدہ بڑا ہی ذمہ داری کا حامل ہے اس لیے اس محکمے کے ذمہ دار کو اپنی ذمہ داری کے لیے بڑا وقت دینا پڑتا ہے، اس لیے ریاست کے وزیراعلیٰ شیوراج سنگھ چوہان کو بغیر دیری کیے دوسرے وزیر کو اس عہدے پر فائز کرنا چاہیے۔
نریندر سلوجہ نے کہا جب سے ریاست مدھیہ پردیش میں شیوراج سرکار آنے کے بعد لائن اینڈ آرڈر بے حد بدتر ہوگیا ہے اور ملزموں کے حوصلے بلند ہیں۔
انہوں نے کہا کہ آئے دن بہن، بیٹیوں کے ساتھ درندگی کی وارداتیں ہورہی ہیں اور وزیر داخلہ ایمانداری سے کام نہیں کر رہے اس لیے کسی اور کو اس عہدے پر فائز کیا جائے اور نروتم مشرا کو اس عہدے سے آزاد کیا جائے۔
