جھاڑی میں ملے نوزائیدہ بچے کو پولیس نے ہسپتال پہنچایا

ریاست مدھیہ پردیش کے ضلع بڑوانی ہیڈکوارٹر پر سرکاری پولیٹیکنک کالج کے نزدیک آج ایک نوزائیدہ پایا گیا جسے ضلع ہسپتال میں داخل کرایا گیا۔

پولیس کی ڈائل 100 سروس کے ملازم دیوی سنگھ نے بتایا کہ جب وہ پولیٹیکنک کالج کے نزدیک سے گزر رہے تھے، تب انہیں ہجوم دکھائی دیا۔
اور وہاں جھاڑی میں ایک نوزائیدہ کے پائے جانے پر اسے صحیح سلامت اٹھاکر ضلع ہسپتال لےجایا گیا۔
ضلع ہسپتال کے ڈاکٹر جے پی ناگور نے بتایا کہ بچے کی پیدائش تقریبا ڈیڑھ دن پہلے ہوئی ہے۔ بچے کا وزن دو کلو سو گرام ہے۔
انہوں نے بتایا کہ ہسپتال لائے جانے پر اس کی حالت ٹھیک نہیں تھی،لیکن اب وہ ٹھیک ہے اور اسے بہتر سے بہتر علاج مہیا کرایا جارہا ہے۔