مدھیہ پردیش کے اجین ضلع میں کورونا انفیکشن کے 26 نئے معاملے سامنے آنے کے بعد اب متاثرین کی تعداد 4400 کے قریب ہوگئی۔جب کہ ان میں سے 4014 مریض صحت مند ہوکر گھر واپس جاچکے ہیں۔
چیف میڈیکل اینڈ ہیلتھ افسر نے بتایا کہ گزشتہ 24 گھنٹوں میں 869 سیمپلز کی رپورٹ میں 26 کورونا پازیٹیو پائے گئے۔ ان میں 18مریض اجین شہر سے اور 6 ناگدا قصبے سے ہیں۔
ضلع میں ابھی تک 4393 پازیٹیو معاملے سامنے آئے ہیں۔ اس عالمی وبا سے ضلع میں ابھی تک مرنے والوں کی تعداد بڑھ کر 99 ہوگئی ہے اور 280 مریضوں کا اسپتال میں علاج کیا جارہا ہے۔ ضلع میں ابھی تک ایک لاکھ 40 ہزار 408 لوگوں کے سیمپل لیے جاچکے ہیں۔
واضح رہے کہ ملک کی کئی ریاستوں میں کورونا کی لہر پھر سے دیکھی جارہی ہے اور روزانہ کیسز درج ہورہے ہیں۔ جب کہ بہت جلد کورونا ویکیسن کے مارکٹ میں آجانے کی خبر بھی گشت کر رہی ہے۔ کچھ دن قبل وزیر اعظم مودی نے بھارت بائوٹیک کمپنی کا دورہ کرتے ہوئے ویکسین سے متعلق جانکاری حاصل کی تھی۔
