ریاست مدھیہ پردیش کے ضلع منصور کے رہنے والے مشہور سماجی کارکن نارو خان نے چائنیز ڈور سے تحفظ کے لیے اسٹیل راڈ گارڈ ایجاد کیا ہے ۔مکر سنکرانتی تہوار کے موقع پر پتنگ بازی کی روایت ہے ۔اس دوران ہواؤں میں پتنگیں اڑائی جاتی ہیں،اور لوگ ایک دوسرے کی پتنگیں کاٹنے کے لئے پُر جوش رہتے ہیں۔ گزشتہ چند برسوں سے چائنیز ڈور کا بھر پور استعمال ہو رہا ہے، جس سے نہ صرف پرندے بلکہ انسان بھی شدید طورپر زخمی ہو جاتے ہیں۔ جسے تحفظ کے لیے مدھیہ پردیش حکومت نے چائنیز ڈور پر پابندی عائد کی ہے۔ اس کے باوجود کچھ لوگ چوری چھپے اپنا شوق پورا کرنے کے لیے چائنیز ڈور(چائنیز مانجھا) کا استعمال کرتے ہیں۔ جس کے خلاف پولیس اہلکار کاروائی بھی کرتے ہیں۔ وہیں اب چائنیز مانجھا سے تحفظ کے لیے منصور کے رہنے والے سماجی کارکن نہرو خان نے دیسی جگاڑ ایجاد کیا ہے۔وہ موٹر سائیکل پر اسٹیل کی راڈ نصب کر لوگوں کو بیدر کر رہے ہیں۔
نارو خان کا کہنا ہے چائنیز مانجھا سے ہمارے علاقے میں متعدد افراد زخمی ہو چکے ہیں۔ اس سے بچنے کے لیے میں نے اسٹیل کی راڈ تیار کی ہے جو چانئیز مانجھا سے بچنے میں مدد کرےگا۔ کیونکہ جان کی بڑی قیمت ہوتی ہے ۔جبکہ مانجھا تو بہت ہی سستی ہوتی ہے۔ فی الحال دس 15 گاڑیوں میں یہ راڈ لگا یا گیا ہے۔انہوں نے کہا کہ لوگ ہمارے کارخانہ میں آکر یہ راڈ مفت میں لگوا سکتےہیں۔
پولیس آفیسر آفیسر کا کہنا تھا کہ نارو خان نئی نئی جگاڑ ایجاد کرنے کے لیے مشہور ہیں۔ انہوں نے یہ راڈ کا طریقہ جو ایجاد کیا ہے وہ موثر نظر آ رہا ہے۔ امید ہے اس سے لوگوں کو فائدہ پہنچے گا۔
مزید پڑھیں:Arif Masood on Chinese Manjha: عارف مسعود کا چائنیز مانجھا معاملے میں امتیازی کاروائی کا الزام
