ریاست مدھیہ پردیش کے صنعتی شہر اندور میں ریاست کے وزیر داخلہ نروتم مشرا نے ایک پروگرام میں شرکت کی، جس میں وہ ماسک لگاتے نظر نہیں آئے۔ جس پر میڈیا نے سوال کیا کہ آپ نے ماسک نہیں لگایا ہے۔ اس پر انہوں نے جھنجھلاہٹ میں کہا کہ میں ماسک نہیں لگاتا ہوں۔ جس کے بعد آج ریاست کے وزیر داخلہ نروتم مشرا نے اندور میں دیے اپنے بیان پر صفائی دی ہے اور کہا کہ کبھی کبھی ایسی باتیں منہ سے اچانک نکل جاتی ہیں جو دل سے کہی گئی نہیں ہوتی ہیں۔
انہوں مزید کہا کہ گذشتہ دن اندور میں ماسک نہ لگانے والی بات پوری طرح سے غلط تھی۔ مجھے خود اس بات کا افسوس اور دکھ بھی ہے۔
میں اپنی ان الفاظ سے جو کی وزیر اعظم کی سوچ کے مخالف تھی۔ اس کے لیے افسوس کا اظہار کرتا ہوں۔ سبھی سماجی افراد اور ریاست کی عوام سے ماسک لگانے کی اپیل کرتا ہوں کہ وہ ماسک لگائیں اور کورونا کے سبھی قوانین کا خیال رکھیں۔
