مدھیہ پردیش: کورونا وبا کے سبب گزشتہ دنوں ملک میں لاک ڈاؤن نافذ کیا گیا تھا، اس وبا سے نجات پانے کے لئے مرکزی حکومت اور ریاستی حکومت کی جانب سے متعدد اقدامات بھی کئے جا رہے تھے۔ اس دوران ریاست کی جیلوں میں بھی اس وبا سے بچاؤ کے لئے کئی طرح کے اقدامات کئے گئے۔ کم جرم والے قیدیوں کو جہاں پیرول پر رہا کیا گیا۔ وہیں بقیہ قیدیوں میں ماسک سینیٹائزر اور معاشرتی فاصلے کا خیال رکھا جانے لگا ۔
کورونا کے اس دور میں مدھیہ پردیش کے وزیر داخلہ نروتم مشرا نے بھوپال سنٹرجیل کا جائزہ لیا جس کے بعد انہوں نے کورونا وائرس کے پیش نظر جیل میں متعدد انتظامات بڑھانے کی ہدایت دی جس میں انہوں نے قیدیوں کے لئے اچھا کھانا، قیدیوں کی پیرول کی رہائی کی میعاد بڑھانے، جیل میں کورونا وارڈ بنانے سے متعلق ہدایات شامل ہیں۔
انہوں نے یہ بھی کہا کہ کورونا وائرس کے چلتے قیدیوں کی ان کے رشتہ داروں سے بات نہیں ہو پا رہی ہے اس کے لیے فون سے بات کرنے کے انتظامات کیے جائیں۔ کورونا وبا کے اس دور میں جیلوں میں رہنے والے قیدیوں کا خیال رکھا جائے۔
