بھوپال میں سی اے اے کے خلاف انقلابی مشاعرہ کا انعقاد

بھوپال کے اقبال میدان میں شہریت ترمیمی قانون کی مخالفت میں ستیہ گرہ جاری ہے، آج احتجاج میں انقلابی مشاعرہ کا انعقاد کیا گیا، جس میں حکومت سے ملک کے لوگوں کو نہ بانٹنے کا پیغام دیا گیا۔

ریاست مدھیہ پردیش کے دارالحکومت بھوپال میں شہریت ترمیمی قانون اور این آر سی کی مخالفت میں معروف شاعر فیض احمد فیض کی نظم 'ہم دیکھیں گے' کو لے کر بھوپال کے نامور شعراء بھی یہاں جاری احتجاج "ستیہ گرہ" میں شامل ہو کر ہم آواز ہوئے۔

شعراء نے اپنے انقلابی کلام سے مرکزی حکومت کو پیغام دیا کہ ملک کے لوگوں کو تقسیم کرنے والے قانون پر نظر ثانی کی جائے۔