اس واقعہ کی خبر ملنے کے بعد کارپوریشن کے کمشنر نے دو ملازموں کو معطل کردیا۔
نگر نگم کے ملازموں کی خواتین کے ساتھ بدسلوکی کا ایک ویڈیو وائرل ہوا ہے جس میں نگم کے ملازمین خاتون اور اس کے اہل خانہ پر لات گھونسے ڈنڈے برسا رہے ہیں۔ جس کے بعد کارپوریشن کمشنر اشیش سنگھ نے سخت کاروائی کرتے ہوئے دو ملازموں کو معطل کر دیا۔
تھانہ پلاس کے علاقے میں ایم آر 10 روڈ پر پر جب فٹ پاتھ پر اپنی دکانیں لگانے والوں کو ضبط کرنے نگر نگم کے ملازمین پہنچے تو ان کی وہاں کے دکانداروں سے تکرار ہوگئی جس کے بعد نگر نگم کے ملازمین نے خواتین پر ڈنڈے برسا دیے جس کا ویڈیو وائرل ہو گیا۔
نگم افسر نے دو ملازموں کو معطل کردیا اور رپورٹ آنے کے بعد کچھ دیگر پر بھی کاروائی کی جائے گی۔
واضح رہے کی صنعتی شہر ہونے کی وجہ سے یہاں زمینوں کی قیمتیں آسمان چھو رہی ہیں جس کی وجہ سے غریب لوگ اپنی دکانیں فٹ پاتھ یا روڈ کے اردگرد لگاتے ہیں۔ جس پر نگم کو اعتراض رہتا ہے۔ اسی مہم کے چلتے نگم عملے نے ایسی دکانوں اور ٹھیلوں کو ضبط کرنے نکلے تھے کہ یہ واقعہ پیش آیا۔
