بھوپال: میزبان مدھیہ پردیش نے کھیلو انڈیا یوتھ گیمز 2022 میں باکسنگ میں 2 طلائی، 4 چاندی اور 7 کانسی سمیت کل 13 تمغے جیتے ہیں۔ یوگیشور دت اور ملیکا مور نے مدھیہ پردیش کے لیے تمغے جیتے ہیں اور ہریانہ نے کل 15 تمغے جیتے جن میں 8 گولڈ، 5 سلور اور 2 برانز شامل ہیں۔ اس کے ساتھ ایم پی مجموعی طور پر چیمپئن شپ میں دوسرے نمبر پر رہے۔ ہفتہ کو یہاں تاتیا ٹوپے نگر اسٹیڈیم میں باکسنگ چیمپئن شپ کے میچ کھیلے گئے۔ لڑکوں کے زمرے کے 60-63.5 کلوگرام ویٹ کے فائنل میں ایم.پی کے یوگیشور دت نے منی پور کے سی مویراماگتھم کو شکست دے کر طلائی تمغہ جیتا۔ اروناچل پردیش کے پاکوا تاو اور اتراکھنڈ کے بھونیشور نے کانسی کے تمغے جیتے۔ لڑکیوں کے زمرے میں گولڈن کوئین مور نے ایم پی کوایک گولڈ دلایا۔
ملیکا مور نے 45-48 کلوگرام وزن کے زمرے کے فائنل میچ میں ہریانہ کی بھاونا شرما کو شکست دے کر طلائی تمغہ جیتا۔ اتراکھنڈ کی آنچل شکلا اور دہلی کی سنجنا نے کانسی کا تمغہ جیتا۔ اس کے علاوہ لڑکوں کے زمرے میں آیوش یادو کو 71-75 ویٹ زمرہ میں ہریانہ کے دیپک کے ہاتھوں شکست کا سامنا کرنا پڑا۔ پنجاب کے تیجسوی اور منی پور کے راہل سنگھ نے کانسے کا تمغہ جیتا ہے۔ اس کے علاوہ 51-54 ویٹ زمرہ کے فائنل میں ایم پی کے رودرجیت سنگھ سلور کو ہریانہ کے آشیش کے ہاتھوں شکست کا سامنا کرنا پڑا اور چاندی کے تمغے پر اکتفا کرنا پڑا۔
یہ بھی پڑھیں: Khelo India کھیلو انڈیا یوتھ گیمز میں شرکت کے لیے ٹاپس ایتھلیٹس
مہاراشٹر کی دیویکا گھوڑپڑے نے 50-52 کلوگرام زمرے کے فائنل میں ایم پی کی کیفی کو شکست دے کر طلائی تمغہ جیتا۔ ونتی نے ایم پی کے لیے لڑکیوں کے زمرے میں 70-75 کلوگرام میں چاندی کا تمغہ جیتا، اسے فائنل میں ہریانہ کی مسکان سے شکست ہوئی۔ اس کے علاوہ لڑکوں کے زمرے میں ابھیشیک تومر نے 63.5-67 کلوگرام میں پرشانت کھٹانہ نے 67-71 کلوگرام میں اور رشبھ سیکروار نے 75-80 کلوگرام میں کانسی کا تمغہ جیتا ہے۔ لڑکیوں کے زمرے میں خوشی سنگھ نے 60-63 ویٹ زمرہ میں کانسی کا تمغہ جیتا، بھومی سنگھ نے 54-57 ویٹ زمرہ میں کانسی کا تمغہ جیتا اور رادھیکا جاٹاو نے 48-50 ویٹ زمرہ میں کانسی کا تمغہ جیتا۔
یو این آئی
