مسلسل بارش سے سیلابی صورتحال

ریاست مدھیہ پردیش کے ضلع شاجاپور میں مسلسل اور بھاری بارش سے سیلاب جیسی صورتحال پیدا ہوگئی ہے۔

ضلع کے اکثر علاقوں میں سڑکیں اور مکانات پانی میں ڈوبے ہوئے ہیں۔

کئی دنوں کی مسلسل بارش کے سبب گزشتہ روز ضلع میں سیلاب جیسی صورتحال پیدا ہوگئی۔

مقامی لوگوں کے مطابق ندی نالوں میں پانی کی سطح بڑھ گئی ہے جس کے سبب سڑکیں اور رہائشی مکانات پانی کی زد میں آگئے ہیں، انہوں نے متعلقہ حکام سے مناسب انتظامات کرنے کی اپیل کی ۔

واضح رہے کہ چند روز پہلے منداسور میں متعدد رہائشی مکانات تباہ ہوگئے تھے۔