نماڈ، مدھیہ پردیش: سماجی کارکن میدھا پاٹکر اور ایڈووکیٹ احتشام ہاشمی کی ٹیم کو کھرگون اور سیدوہ علاقے کا دورہ کرنے کی اجازت نہیں دی گئی۔ مدھیہ پردیش میں نماڈ کے کھرگون اور سیندوا میں رام نومی کے موقع پر فرقہ وارانہ تشدد کے واقعات پیش آئے تھے جس کے بعد انتظامیہ نے ان علاقوں میں کرفیو نافذ کردیا۔ Khargone Violence۔ میدھا پاٹکر اور احتشام ہاشمی کی ٹیم متاثرہ علاقوں کا دورہ کرکے متاثرین سے ملنا چاہتی تھی تاہم انتظامیہ نے انہیں اس بات کی اجازت نہیں دی۔ اس موقع پر میدھا پاٹکر نے کہا کہ کھرگون اور بڑوانی میں فرقہ وارانہ تشدد کے واقعات پیش آئے جو نامناسب ہے، جس سے انہیں تکلیف ہوئی ہے۔
یہ بھی پڑھیں:
احتشام ہاشمی نے کہا کہ جن علاقوں میں فرقہ وارانہ واقعات پیش آئے وہاں جانے سے روکنا غیرآئینی ہے۔ ہم لوگ متاثرین سے ملنا اور ان کی مدد کرنا چاہتے ہیں۔ انہوں نے کہا کہ جلد ہی ہائی کورٹ سے رجوع ہوکر اس پورے معاملے کی منصفانہ تحقیقات کا مطالبہ کیا جائے گا۔
