کمیشن کی جانب سے آج جاری پریس ریلیز کے مطابق کمیشن نے ضلع شهڈول کے سنگھ پور تھانہ علاقہ کے دودھي گاؤں میں پانچ ماہ کی ایک معصوم بچی کو گرم سلاخوں سے جلانے کے معاملے میں آئی جی شهڈول اور پولیس سپرنٹنڈنٹ سے جانچ کراکر رپورٹ مانگی ہے۔
اسی طرح ضلع جیل کٹنی میں ایک زیر سماعت قیدی کی علاج کے دوران موت کے معاملے میں نوٹس لیتے ہوئے کٹنی کے جیل سپرنٹنڈنٹ سے جانچ رپورٹ کا مطالبہ کیا ہے۔
اس کے ساتھ ضلع دھار کے پيتھم پور انڈسڑیل علاقہ میں واقع ملینیم بیبی کیئر کمپنی میں ایک کارکن کی فیکٹری کی چھت سے گرنے سے موت کے معاملے میں لیبر کمشنر مدھیہ پردیش اندور اور پولیس سپرنٹنڈنٹ دھار سے ایک ماہ کے اندر رپورٹ مانگی ہے۔
اسی طرح ضلع انوپ پور میں انتظامی حکام کی جانب سے غیر قانونی معدنیات اور کانکنی کی شکایتیں سامنے آنے کے بادجود اس مسئلہ کو سنجیدگی سے نہیں لیے جانے پر نوٹس لیتے ہوئے پولیس سپرنٹنڈنٹ انوپ پور سے جانچ کراکر کے ایک ماہ میں رپورٹ طلب کی ہے۔
اس کے علاوہ بھوپال کے جے پی اسپتال میں واقع پولیس چوکی میں رات کے وقت سکیورٹی اہلکار موجود نہ ہونے اور اسپتال کے عملے کی جانب سے رات کے وقت کسی کونے میں آرام کرنے کی وجہ سے مریضوں کو ہونے والی انتہائی پریشانی کی خبر پر نوٹس لیتے ہوئے پولیس سپرنٹنڈنٹ بھوپال اور اسپتال سپرنٹنڈنٹ جے پی اسپتال سے معاملے کی جانچ کراکر 15 دن میں رپورٹ مانگی ہے۔
وہیں بھوپال کےحمیدیہ اسپتال میں سیو انی مالوا سے تعلق رکھنے والے گنگارام گونٹوا (70 ) کے علاج میں کوتاہی برتنے پر کمیشن نے حمیدیہ اسپتال کے سپرنٹنڈنٹ سے جانچ کراکر 10 دن میں رپورٹ مانگی ہے۔
