ریاست مدھیہ پردیش میں سدبھاونا منچ نے ہجومی تشدد کے خلاف مہم چلانے کا فیصلہ کیا ہے۔ اس بات کا فیصلہ ایک میٹنگ میں کیا گیا جس میں مختلف مذاہب کے سرکردہ افراد موجود تھے۔
میٹنگ میں یہ کہا گیا کہ جس طرح سے بھارت چھوڑو تحریک چلائی گئی تھی اسی طرح سے فرقہ پرستوں کے خلاف بھی تحریک چلائی جائے تا کہ ان کے حوصلے پست کیے جا سکیں۔
ہجومی تشدد کے خلاف تحریک، ویڈیو
اس میٹنگ میں طے کیا گیا کی جس طرح سے ہجوم کی شکل میں کسی کے ساتھ تشدد کیا جاتا ہے اور اسے قتل کر دیا جاتا ہے اس کے خلاف تحریک چلانے کی سخت ضرورت ہے کیوں کہ فرقہ پرستوں کے حوصلے آج کل کافی بلند نظر آ رہے ہیں۔
میٹنگ میں اس بات پر بھی اتفاق کیا گیا کہ ریاست کے علاوہ پورے ملک میں یہ تحریک چلائی جائے۔
