Maha Rally In Bhopal بھوپال میں رکن اسمبلی عارف مسعود کی قیادت میں ریلی

بھوپال میں رکن اسمبلی عارف مسعود کی قیادت میں 'مہا ریلی' کا اہتمام کیا گیا جس میں سینکڑوں لوگوں نے شرکت کی۔ ریلی سے خطاب کو کرتے ہوئے رکن اسمبلی عارف مسعود نے کہا کہ 'مدھیہ پردیش کے عوام بی جے پی سے اکتا چکے ہیں۔'

بھوپال: ریاست مدھیہ پردیش کے دارالحکومت بھوپال کے مرکزی اسمبلی حلقہ کے رکن اسمبلی عارف مسعود نے انتخابی مہم کا آغاز کیا۔ کانگرس کارکنان نے رکن اسمبلی عارف مسعود کی قیادت میں آج کملہ پارک سے ہزاروں گاڑیوں کے ساتھ ایک بڑی ریلی نکالی۔ رکن اسمبلی عارف مسعود کی ریلی کو کانگرس کے سابق مرکزی وزیر سریش پچوری نے جھنڈی دکھا کر روانہ کیا۔ وہیں سماجی تنظیموں اور تاجروں نے مختلف مقامات پر اس ریلی کا خیر مقدم کیا۔ اس موقعے پر رکن اسمبلی عارف مسعود نے کہا کہ آج مدھیہ پردیش میں عوام نے دکھا دیا کہ عوام کس کے ساتھ ہیں۔ عوام نے بڑی تعداد میں جلسے میں آ کر اپنی حمایت کا اعلان کر دیا۔