مدھیہ پردیش کے دارالحکومت بھوپال میں بڑھتے ہوئے کورونا انفیکشن کو دیکھتے ہوئے دس روزہ لاک ڈاؤن نافذ کیا گیا ہے۔ یہ لاک ڈاؤن 24 جولائی سے 3 اگست تک جاری رہے گا۔
اس دوران 1 آگست کو عید الاضحی اور 3 اگست کو راکھی کا تہوار ہے۔ جس کو دیکھتے ہوئے بھوپال مرکزی حلقے کے رکن اسمبلی عارف مسعود نے ریاستی حکومت سے مطالبہ کیا ہے کی تہواروں کے دوران لاک ڈاؤن کو ہٹانا چاہییے۔ تاکہ مسلم طبقہ بکریوں کی خریداری اور ہندو سماج اپنے تہوار کی تیاریاں کر سکے۔ کیونکہ تہوار کے وقت بکروں کے تاجر اپنے بکروں کی خرید و فروخت کے لئے ایک شہر سے دوسرے شہر جاتے ہیں، لیکن ایسی صورتحال میں پولیس کے ذریعہ انہیں پریشان کیا جا رہا ہے۔
وہیں ہندو برداری کے لوگوں کو بھی اپنے تہوار کی تیاریاں کرنی ہے۔ اس لیے بھوپال میں تہوار کے وقت لاک ڈاؤن کو ہٹادینا چاہیے۔کیونکہ دہلی جیسے شہر میں جہاں سب سے زیادہ کورونا مریض پائے جا رہے ہیں اس کے باوجود بھی وہاں لاک ڈاؤن نہیں ہے اس لیے بھوپال میں بھی لاک ڈؤان کو ہٹا دیا جائے۔
