ریاست مدھیہ پردیش کے دارالحکومت بھوپال میں رابطہ علمائے ہند کے زیر اہتمام آج بھوپال ضلع کلکٹر کو میمورنڈم دیا گیا۔
دراصل ایک نجی ٹی وی چینل کے نیوز اینکر نے اپنے شو میں متنازع تبصرہ کرتے ہوئے حضرت خواجہ غریب نوازؒ کے خلاف متنازع باتیں کہی تھیں جس پر ملک بھر میں مسلم طبقے نے ناراضگی کا اظہار کرتے ہوئے نیوز اینکر کے خلاف احتجاج درج کرایا ہے۔
ساتھ ہی بھوپال کے الگ الگ تھانوں میں بھی مسلم طبقے نے اس نیوز اینکر کے خلاف ایف آئی آر درج کروائی ہے۔
ریاست مدھیہ پردیش کے دارالحکومت بھوپال میں مذکورہ تنظیم نے نیوز اینکر کے خلاف ایف آئی آر درج کروائی۔ اس موقع پر ان کے ساتھ اسماعیل بیگ آرگنائزیشن، جمیعت علمائے ہند اور سماجی تنظیم این سی پی آر کے اراکین بھی موجود تھے۔
سبھی تنظیموں نے ایف آئی آر درج کراتے ہوئے اور میمورنڈم دیتے ہوئے اسی بات کا مطالبہ کیا ہے کہ کی نیوز اینکر نے جس طرح سے بیان دیا ہے، اس کے خلاف کارروائی کی جائے۔
