بھارت کے ممتاز شاعر راحت اندوری کے انتقال پر معروف شاعر منظر بھوپالی نے خراج عقیدت پیش کیا۔
بھارت کے مشہور و معروف شاعر راحت اندوری کے انتقال پر پورے صوبے کے ساتھ بھارت میں غم کا ماحول ہے۔ بھارت کا اردو ادبی طبقہ راحت اندوری کے اس طرح سے چلے جانے کو اردو کا بڑا خسارہ مان رہا ہے۔
بھارت کے معروف شاعر منظر بھوپالی جنہوں نے راحت اندوری کے ساتھ کئی مشاعرے پڑھے اور منظر بھوپالی خود راحت اندوری کو اپنے بڑے بھائی کی طرح مانتے تھے، ان کا کہنا ہے کہ راحت اندوری نے اپنے آپ کو ایسے وقت میں کھڑا کیا جب بھارت میں ایک سے بڑھ کر ایک بڑے شاعر موجود تھے اور ایسے وقت میں خود کو کھڑا کرنا ایک بہت بڑی بات ہوتی ہے۔
منظر بھوپالی کا کہنا ہے کہ 'راحت اندوری نے مجھے بڑے بھائی کی طرح دیکھا اور شاعری ہی نہیں بلکہ زندگی میں بھی اپنے تجربات سے مجھے مشورے دیتے رہے۔'
انہوں نے کہا کہ 'راحت اندوری کا اس طرح سے چلا جانا، اردو اور اردو ادب کے لیے ایک بہت بڑا خسارہ ہے۔'
