گزشتہ روز ریاست میں کورونا کے 41 نئے مریض پائے گئے ہیں۔ جن میں سے 23 مریضوں کا تعلق اندور سے ہے۔ جس میں ایک ہی خاندان کے ایک 12 سالہ لڑکا اور ساڑھے تین سالہ بچی شامل ہے۔
وہیں ریاست کے دارالحکومت میں بھی چھ نئے کیس سامنے آئے ہیں۔ ان میں چار جماتی، ایک پولیس کانسٹیبل اور 19 سالہ نوجوان شامل ہیں۔ جس کے بعد یہاں پر کورونا متاثر کی تعداد 15 ہوگئی ہے۔ اس کے علاوہ مورینا میں 10، اجین اور چھندواڑہ میں ایک ایک مریض مشبت پائے گئے ہیں۔ جبکہ کورونا سے اجین میں تین اور اندور میں دو مریض کی موت ہو چکی ہے۔
مدھیہ پردیش میں کورونا مثبت کیسوں کی تعداد 161 ہوگئی ہے۔ جن میں سے اندور 112، مورینا 12، بھوپال 15، جبل پور 8، اُجین 7، گوالیئر، شیپوری، چھندواڑہ میں 2 اور خارگون میں ایک متاثر پایا گیا ہے۔ وہیں کورونا وائرس کی وجہ سے اندور میں 5، اُجین میں 2 اور خارگن اور چھندواڑہ میں ایک ایک شخص کی موت ہوئی ہے۔
