مدھیہ پردیش کے ضلع کھانڈوا میں پولیس لاک ڈاؤن کی خلاف ورزی کرنے والوں کے خلاف گاندھی گری کا استعمال کر رہی ہے۔
سماج میں مثبت پیغام پہنچانے کے لیے پولیس اہلکار لاک ڈاؤن کی خلاف ورزی کرنے والوں کو پھولوں کا ہار پہنا رہے ہیں اور ان سے یوگا کروا رہے ہیں۔
اس کے علاوہ پولیس اہلکار اپنی گلوکاری اور ادکاری کا مظاہرہ بھی کر رہے ہیں وہ لاک ڈاؤن کی خلاف ورزی کرنے والوں کو گیت سنا رہے ہیں۔
ضلع کھانڈوا کی ایڈیشنل ایس پی سیما الوا کہتی ہیں 'یہ مذاق ضرور لگتا ہے لیکن لوگوں کو آگاہ کرنے کے لیے ان کے خلاف سخت کاروائی کرنے سے اچھا یہ طریقہ ہے، اسے گاندھی گری کہتے ہیں، اس کا مطلب یہ ہے کہ لاک ڈاؤن کی خلاف ورزی کرنے والا شرم محصوص کرے گا اور وہ دوبارہ ایسا نہیں کرے گا'۔
وہیں ملک بھر میں کورونا کا قہر جاری ہے، ابھی تک ملک میں 2300سے زائد کیسز سامنے آچکے ہیں جبکہ 54 افرادکوروانا وائرس سے ہلاک ہو چکے ہیں۔
