'غریب بستیوں میں بھی ہیلتھ کیمپ لگایا جائے'

مدھیہ پردیش کے عوامی رابطے کے وزیر پی سی شرما نے کہا کہ غریب بستیوں میں ریڈ کراس کی جانب سے ہیلتھ کیمپ لگائے جانے چاہئے، جس سے غریب بچوں کو صحت کی بہتر سہولیات دستیاب ہوسکیں۔

شرما نے یہاں ریڈ کراس اسپتال میں ایک ہیلتھ کیمپ کا افتتاح کرتے ہوئے یہ بات کہی۔ انہوں نے جواہر لال نہرو کا نام لیتے ہوئے کہا کہ وہ بچوں کو ملک کا مستقبل مانتے تھے۔

بچے انہیں سب زیادہ عزیز تھے۔ نہرو کے جذبے کے مطابق بچوں کی صحت پر خصوصی توجہ دی جانی چاہئے، تبھی ملک کا مستقبل صحت مند ہوگا۔

عوامی رابطے کے وزیر نے صحت کے شعبے میں ریڈ کراس کی کوششوں کی تعریف کی۔

انہوں نے امید ظاہر کی کہ ریڈ کراس کے چیئرمین آشوتوش پروہت کی قیادت میں ریڈ کراس صحت کے شعبے میں نئی شناخت قائم کرے گا۔