ریاست میں مریضوں کی تعداد 3000 کے پار چلا گیا ہے ۔اتوار کی روز ایک ہی دن میں 3178 معاملے مثبت آئے ہیں۔پہلی مرطبہ یہاں ایک ساتھ کورونا کے کیسز دیکھنے کو ملے ہیں۔
اطلاعات کے مطابق مدھیہ پردیش اب انفیکشن کے معاملے میں آٹھویں نمبر پر آگیا ہے۔جہاں سب سے تیزی سے انفیکشن بڑھ رہا ہے۔اب تک یہ نویں نمبر پر تھا۔
ریاست میں کورونا کے ایکٹیو معاملے 21335 ہوگئے ہیں اور انفیکشن11 فیصد ہو گیا ہے۔جس میں سب سے زیادہ حالات بھوپال اور اندور کے خراب ہے کیوں کہ 10 ہزار ایکٹیو کیسز انہیں شہروں میں ہیں ۔
بھوپال میں 547 اور اندور میں 788 نئے مریض پائے گئے ہیں ۔جسے دیکھتے ہوئے ریاست کے وزیر اعلی شیوراج سنگھ چوہان نے کہا ہے کہ ”ہم پھر سے پورے صوبے میں فیور کلینک اور کورونا ٹیسٹ کی سہولیات کو بڑھاتے ہوئے ایک بار پھر پورے صوبے میں کورونا کلینک سنٹر بنائے جائیں گے۔ساتھ ہی سبھی کووڈ ہسپتالوں میں بستروں کی تعداد میں بھی اضافہ کیا جارہا ہے۔تاکہ کسی کو بھی کسی بھی طرح کی پریشانی کا سامنا نہ کرنا پڑے ۔''
وزیراعلی شیوراج سنگھ چوہان نے صوبے کی عوام سے اپیل کی ہے کہ وہ کورونا گائیڈ لائن پر پوری طرح سے عمل کرے، ماسک لگائے اور ایک دوسرے سے ضروری فاصلہ رکھے تب ہی اپنی حفاظت اچھی طرح سے کر سکیں گے۔
