ریوا: وزیر داخلہ ڈاکٹر نروتم مشرا نے آج کہا کہ مدھیہ پردیش کے نیمچ ضلع میں بھارتیہ جنتا پارٹی کی جن آشیرواد یاترا کے قافلے پر پتھراؤ کے پیچھے کی وجہ جاننے کے لیے اپوزیشن لیڈروں کے پہلے کے بیانات کو دیکھنے ہوں گے۔ یہاں نامہ نگاروں سے بات چیت کے دوران ڈاکٹر مشرا نے کہا کہ یاترا پر پتھراؤ کیوں ہوا، یہ جاننے کے لیے اپوزیشن لیڈروں کے پہلے کے بیانات کو دیکھنا ہوگا، سب کچھ سمجھ میں آجائے گا۔
انہوں نے کہا کہ سابق وزیر اعلیٰ کمل ناتھ نے پہلے ہی کہا تھا کہ منی پور کی طرح یہاں بھی پتھراؤ ہو سکتا ہے، اس طرح وہ اشتعال انگیزی کا کام کر رہے ہیں۔ دگ وجے سنگھ نے ہریانہ کے نوح کی مثال دی تھی۔ یہ بھی ایک اشتعال انگیز عمل تھا۔ انہوں نے کہا کہ اس معاملے میں جس کھیما گرجر نامی شخص سمیت دیگر لوگوں پر ایف آئی آر درج کی گئی ہے، وہ کانگریس سے وابستہ لوگ ہیں۔ کانگریس مایوسی کی طرف بڑھ رہی ہے، اس لیے وہ اس طرح کے ہتھکنڈوں کا سہارا لے گی۔ عوام کو اس بات کو سمجھنا چاہیے۔
مزید پڑھیں: اندور میں احتجاجی بجرنگ دل کارکنوں پر پولیس کا لاٹھی چارج
نیمچ ضلع کے منسا علاقے میں کل دیر شام کچھ لوگوں نے جن آشیرواد یاترا کے قافلے پر ہنگامہ کرتے ہوئے پتھراؤ کیا، جس کی وجہ سے کچھ گاڑیوں کو نقصان پہنچا۔ تاہم، گاڑیوں میں سوار بھارتیہ جنتا پارٹی (بی جے پی) کے لیڈر محفوظ ہیں۔
یو این آئی
