کابینہ کی میٹنگ لال جی ٹنڈن کو خراج عقیدت پیش کرنے کے بعد ملتوی

مدھیہ پردیش کے گورنر لال جی ٹنڈن کو آج یہاں وزیراعلی شیوراج سنگھ چوہان کی موجودگی میں ہوئی کابینہ کی میٹنگ میں خراج عقیدت پیش کرنے کے بعد ان کے اعزاز میں میٹنگ ملتوی کردی گئی۔

چوہان نے باقاعدہ ٹنڈن کے انتقال کی اطلاع کابینہ میں دی اور ان کے تئیں خراج عقیدت پیش کیا۔

چوہان نے ٹنڈن کی زندگی سے جڑے متعدد قصے سنائے اور کہا کہ مسٹر ٹنڈن کے انتقال کی وجہ سے ریاست میں ریاستی سوگ کا اعلان کیا گیا ہے۔اس کے باقاعدہ حکم جاری کئے گئے ہیں۔

میٹنگ میں دو منٹ کی خاموشی رکھی گئی اور آنجہانی کی روح کو سکون اور سوگوار لواحقین کو یہ دکھ برداشت کرنے کی طاقت دینے کی خدا سے دعا کی گئی۔اس کے بعد میٹنگ ملتوی کردی گئی۔