ریاست مدھیہ پردیش کے گورنر لال جی ٹنڈن کو تشویشناک حالت میں لکھنؤ کے ایک نجی اسپتال میں داخل کرایا گیا ہے۔
ذرائع کے مطابق ' 85 سالہ لال جی ٹنڈن کو 11 جون کی صبح سانس لینے میں دشواری، پیشاب میں تکلیف اور بخار کی وجہ سے لکھنؤ کے ایک نجی ہسپتال میں وینٹیلیٹر پر رکھا گیا ہے۔
وہیں اتوار کے روز اتر پردیش کے وزیر اعلی یوگی آدتیہ ناتھ نے ہسپتال کا دورہ کیا اور ان کی صحت کے بارے میں دریافت کیا۔
اتوار کو اسپتال نے اپنے میڈیکل بلیٹن میں بتایا کہ' ٹنڈن کو ڈاکٹرز کی نگرانی میں رکھا گیا ہے اور اب ان کی حالت بہتر ہے۔'
ذرائع نے مزید بتایا کہ گورنر لال جی ٹنڈن کی کووڈ- 19 کی رپورٹ منفی آئی ہے۔
