بی جے پی اراکین اسمبلی کو خرید و فروخت کی کوشش کر رہی ہے: کمل ناتھ

مدھیہ پردیش کے سابق وزیر اعلیٰ کمل ناتھ نے الزام عائد کیا ہے کہ بی جے پی ایک بار پھر اراکین اسمبلی کو خرید و فروخت کی کوشش کر رہی ہے۔ عوام کے ذریعے ضمنی انتخاب میں سچائی کا ساتھ دینے اور اپنی شکست سے گھبرائی بی جے پی ایسا کر رہی ہے۔

کانگریس رہنما کمل ناتھ نے بیان جاری کر کہا کہ ضمنی انتخابات میں عوام کے ذریعے سچائی کا ساتھ دینے اور اپنی ہار کو دیکھتے ہوئے بھارتیہ جنتا پارٹی نے اقتدار میں رہنے کے لیے سودے بازی شروع کر دی ہے۔

کمل ناتھ نے کہا کانگریس کے رکن اسمبلی اور آزاد امیدوار کی جانب سے لگاتار اس بات کی خبریں آ رہی ہیں کہ بھارتیہ جنتا پارٹی ان سے لگاتار رابطہ قائم کرنے کی کوشش کر رہی ہے اور انہیں طرح طرح کے پیش کش کی جا رہے ہیں۔

کمل ناتھ نے کہا کی بھارتیہ جنتا پارٹی سمجھ لے کہ اس بار صوبے کی عوام نے سودے بازی کرنے والی حکومت کو انکار کر دیا ہے۔

انہوں نے کہا 10 نومبر کو ضمنی انتخابات کے نتائج اس بات کو ثابت کریں گے کہ صوبے کی عوام کو سودے بازی کی سرکار نہیں چاہیے۔

انہوں نے کہا کہ بھارتی جنتا پارٹی نے جس طرح سے کانگریس کی حکومت کو اقتدار سے ہٹایا وہ غلط تھا اور اب اس کا جواب عوام انہیں 10 نومبر کو ضمنی انتخابات کے نتائج کے ذریعے دے گی۔

غورطلب ہے کہ مدھیہ پردیش میں تین نومبر کو 28 اسمبلی حلقوں میں ضمنی انتخاب ہوئے تھے، جس کے نتائج 10 نومبر کو آئیں گے۔