سرکاری اطلاع کے مطابق کمار نے ہولی کے پیش نظر تمام اضلاع کے آئی جی اور ایس پی کے ساتھ ويڈيو کانفرنسنگ کی، انہوں نے امن وامان، ہم آہنگی اور آپسی بھائی چارے کے ساتھ ہولی کا تہوار منانے کی اپیل کی ہے۔
کمار نے پولیس ہیڈکوارٹر میں تمام اضلاع کے حکام سے ہولی کے تہوار پر سکیورٹی انتظامات کی تیاریوں کا جائزہ لیا، حکام کو امن و امان میں خلل پیدا کرنے والے شرپسند عناصر کے خلاف سختی سے نمٹنے کی ہدایت دی۔
انہوں نے ضلع کے سبھی احکام کو سکیورٹی انتظامات کے لئے ڈرون کا استعمال کرنے پر زور دیا، انہوں نے کہا کہ حساس علاقوں میں سخت تلاشی مہم چلائیں اور ساتھ ہی مشتبہ افراد پر پوری نظر رکھیں۔
انہوں نے ریزرو فورس کو پوری تیاری کے ساتھ الرٹ رہنے کی ہدایت کی، ڈی جی پی کمار نے خاص طور پر اندور، كھرگون، مندسور، سیون اور گوالیار میں منشیات کی اسمگلنگ پر نظر رکھنے کے لئے کہا۔
میٹنگ میں ایڈیشنل پولیس ڈائریکٹر جنرل ایس ڈبلیو نقوی نے ریاست کی سرحدوں پر سخت چوکسی رکھنے کی ہدایت دی، انہوں نے تمام افسران سے کہا کہ سوشل میڈیا پر نظر رکھیں۔
