گزشتہ روز مدھیہ پردیش میں بھارتیہ جنتا پارٹی کی پانچ وزراء پر مشتمل کابینہ کی تشکیل دی گئی۔ جس کے بعد آج ایک میٹنگ لے کر کئی اہم فیصلے لے لیے گئے۔
اس میٹنگ کا اہم موضوع کورونا وائرس کی روک تھام اور کسانوں کی فصل خریدی تھا۔
اس دوران بی جے پی کے وزیر نروتم مشرا نے کہا کہ 'آج کی میٹنگ وزیراعلی شیوراج سنگھ چوہان کی صدارت میں منعقد ہوئی جس میں کئی اہم فیصلے لئے گئے ہیں۔
انہوں نے کہا کہ 'کورونا وائرس کی روک تھام کے لیے افسران نے اپنے مشورے دیئے کہ کس طرح اس وبا کا مقابلہ کیا جائے۔
اسی طرح سے کسانوں کے مسائل پر بات کرتے ہوئے انہوں نے کہا کہ 'کسانوں کی فصل کی خریدی کے لیے صوبے میں 35 سینٹر تھے انہیں بڑھا کر 1000 سے زیادہ کر دیا گیا ہے اور کسانوں کو ان کی فصل کی واجب قیمت دی جا رہی ہیں۔
بی جے پی رہنما نے کہا کہ 'موجودہ حکومت کسانوں کی حکومت ہے اور ایک کسان کا بیٹا ہی فی الحال ریاست کا وزیراعلی ہے اس لیے کسی کو بھی پریشان ہونے کی ضرورت نہیں ہے۔
