مدھیہ پردیش: کورونا سے تحفظ کے لیے سائرن مہم کا آغاز

ملک میں کورونا وائرس کا قہر جاری ہے، جس کے پیش نظر مدھیہ پردیش میں کورونا سے تحفظ کے لیے سائرن مہم کا آغاز کیا گیا۔

ریاست مدھیہ پردیش میں کورونا کے مریضوں میں دن بہ دن اضافہ ہورہا ہے اس سے تحفظ کے لیے وزیر اعلیٰ شیوراج سنگھ چوہان نے 'میرا ماسک میری سرکشا' کے عنوان سے یہ سات روزہ مہم کا اعلان کیا ہے اس مہم کی شروعات اندور میں بھی ہوئی جس میں سات روز تک صبح گیارہ بجے اور شام کو سات بجے دو منٹ سائرن بجا کر لوگوں کو کورونا احکامات پر سختی سے عمل کرنے کی مہم کا آغاز ہوا، جس میں ضلعی انتظامیہ اور رکن اسمبلی نے شرکت کی اور لوگوں کو حلف دلایا کہ وہ کورونا قوانین پر سختی سے عمل کریں اور کورونا کا ٹیکہ ضرور لگوائیں۔

اندور کلکٹر منیش سنگھ نے کہا کہ وزیر اعلی شیوراج سنگھ چوہان کے اعلان پر ہم نے 'میری سرکشا میرا ماسک عنوان سے مہم کا آغاز کیا ہے جس میں لوگوں کو کورونا احکامات پر سختی سے عمل کرنے کا حلف دلایا ہے تاکہ کورونا سے بچنے کے لیے کورونا کا ٹیکہ لوگ لگوائیں۔