Hajj 2022: حج کے لیے فارم جمع کرنے کی تاریخ میں توسیع

حج فارم جمع کرنے کی تاریخ میں توسیع کرتے ہوئے 31 جنوری سے بڑھا کر 15 فروری تک کر دی گئی ہے، وہیں مدھیہ پردیش اسٹیٹ حج کمیٹی میں سب سے کم فارم جمع ہوئے ہیں، اس سال 2664 فارم جمع ہوئے ہیں۔Last Date for Haj-2022 Application Forms Extended

حج کمیٹی آف انڈیا Haj Committee of India نے فارم جمع کرنے کی تاریخ کا نیا سرکلر جاری کر دیا ہے جس میں عازمین حج کو بڑی راحت ملی ہے۔ پہلے حج فارم جمع کرنے کی تاریخ 31 جنوری تھی مگر اس میں توسیع کرکے 15 فروری کردی گئی ہے۔

ریاستی حج کمیٹی کی جانب سے ملے فیڈبیک کی بنیاد پر حج کمیٹی آف انڈیا نے حج فارم جمع کرنے کی تاریخ میں توسیع کی ہے۔

دراصل کورونا وبا کے کے پیشن نظر عازمین حج کو فارم بھرنے میں مختلف طرح کی پریشانیوں کا سامنا کرنا پڑ رہا تھا۔

واضح رہے کہ ہر سال ریاست مدھیہ پردیش کی کمیٹی میں پانچ ہزار سے زائد حج فارم جمع ہوتے تھے۔ مگر اس سال 31 جنوری تک 2664 فارم بھی جمع ہو پائے ہیں۔ حج کمیٹی کے ذمہ دار یاسر عرفات نے کہا ہے کہ اس توسیع کے ذریعے ریاست میں اور فارم جمع ہونے کی امید ہے۔