مدھیہ پردیش اردو اکیڈمی محکمہ ثقافت کے زیر اہتمام آزادی کا امرت مہوتسو کے تحت 'تلاش جوہر' خطاب اور ورکشاپ کا انعقاد 14جون 2022 کو صبح گیارہ بجے سے بھوپال کے سوراج بھون میں شروع ہوگا۔ اس سلسلے میں مدھیہ پردیش اردو اکیڈمی کی ڈائریکٹر ڈاکٹر نصرت مہدی نے پروگرام کے بارے میں بتاتے ہوئے کہا کہ 'اردو اکیڈمی کے ذریعے مدھیہ پردیش کی ادبی صلاحیتوں کو تلاش کرنے کی پہل 'تلاش جوہر' (فی البدیہ مقابلےکے ذریعے) خطاب و ورکشاپ بتاریخ 14 جون2022 سے 24 جولائی 2022 تک ریاست کے مختلف ڈویژنل ہیڈ کوارٹرس پر منعقد کیا جارہا ہے۔ Madhya Pradesh Urdu Academy
انہوں نے کہا کہ پروگرام میں متعلقہ ڈویژن کہ ماتحت آنے والے سبھی اضلاع کے منتخب تخلیق کار حصہ لیں گے۔ اس پروگرام کے تحت کل بھوپال اور نرمدا پورم ڈویژن کے سبھی اضلاع سے منتخب تخلیق کار حصہ لیں گے۔ اس موقع پر نوجوان شعراء کی رہنمائی کے لیے سینئر شعراء کے ذریعے شاعری پر گفتگو بھی کی جائے گی۔ ڈاکٹر نصرت مہدی نے 'تلاش جوہر' پروگرام کے مقاصد کو بیان کرتے ہوئے کہا ہے کہ مدھیہ پردیش اردو اکیڈمی چاہتی ہے کہ ریاست کی نوجوان نسل جو ادب کے میدان میں محنت کر رہی ہے ان کی تحقیق کو ایک اسٹیج فراہم کرنا ہے۔
