ریاست مدھیہ پردیش کے اندور میں مہاتما گاندھی میموریل میڈیکل کالج کے وائرولوجی لیب میں ڈیوٹی کر رہے ایک ڈاکٹر کو کورونا مثبت پایا گیا ہے۔ کالج کے ملازمین اور ڈاکٹر کے رابطے میں آئے دیگر افراد کو آئسولیشن میں بھیج دیا گیا ہے۔
کالج نے اتوار کو بتایا کہ 'مہاتما گاندھی میموریل میڈیکل کالج کے فزیالوجی ڈیپارٹمنٹ میں کام کر رہے ڈاکٹر کو کوویڈ 19 کے نمونوں کی جانچ سے متعلق دستاویزات کے لئے وائرولوجی لیب میں ڈیوٹی کے لئے بھیجا گیا تھا۔ انہیں وائرس سے متاثر پایا گیا ہے۔
ڈین نے بتایا کہ 'متاثرہ ڈاکٹر کو ہسپتال میں داخل کرنے کی ہدایت دی گئی ہے اور اس کی حالت اب ٹھیک ہے۔ کالج کے ملازمین اور ڈاکٹر سے رابطے میں آئے دیگر افراد کو الگ تھلگ کردیا گیا ہے۔
واضح رہے کہ 'کالج کی وائرولوجی لیب میں متعدد مریضوں کا کووڈ- 19 ٹیسٹ کیا جارہا ہے۔ یہ نمونے اندور کے ساتھ ساتھ مغربی مدھیہ پردیش کے دوسرے اضلاع کے مریضوں کے بھی ہیں۔'
