ریاست مدھیہ پردیش کے صنعتی شہر اندور کے جماعت اسلامی کے امیر نے کہا ہے کہ ہم سب ایک راہ کے مسافر ہیں کسی کے ساتھ امتیازی سلوک نہ کیا جائے۔
حج اور قربانی کا پیغام کے موضوع پر جماعت اسلامی اندور کے عمر ابراہیم قریشی سے ای ٹی وی بھارت نے خصوصی گفتگو کی۔
ابراہیم قریشی نے بتایا کہ خانہ کعبہ اصل میں دنیا کی ساری قوموں کا عبادت مرکز ہے ہم سب ایک آدم کی اولاد ہیں اور ایک راہ کے مسافر ہے کسی کو بھی امتیازی سلوک نہیں کرنا چاہیے۔ حج کے دوران نہ کوئی بادشاہ رہتا ہے اور نہ کوئی فقیر سب ایک ہی صف میں کھڑے ہوتے ہیں۔
انھوں نے قربانی کے تعلق سے کہا کہ ہر انسان کو اپنے رب کے راہ میں اپنا سب کچھ قربان کر دینا چاہیے صاحب نصاب مومن پر قربانی واجب ہے اور اس کو قربانی کرنا چاہیے جب وہ قربانی کا جانور اسلامی طریقے سے ذبح کر کے گوشت غریب غربا میں تقسیم کرتا ہے وہی اس کی کھالوں سے بڑا کاروبار ہوتا ہے جس سے معشیت میں سدھار کی گنجائش رہتی ہے۔
