رمضان کی راتوں میں ایک رات شب قدر کہلاتی ہے، جو بہت ہی خیر و برکت والی رات ہے اور جس میں عبادت کرنے کو قرآن کریم نے ہزار مہینوں سے افضل بتایا گیا ہے۔
واضح رہے کہ ہزار مہینوں میں83 برس اور چار مہینے ہوتے ہیں، گویا کہ اس رات کی عبادت پوری زندگی کی عبادت سے زیادہ بہتر ہے۔
یہ صرف اللہ ہی کو معلوم ہے کہ نبی کریم صلی اللہ علیہ وسلم کے ارشادات سے معلوم ہوتا ہے کہ یہ رات رمضان کے آخری عشرے میں ہوتی ہے، لہذا اس آخری عشرہ کا ایک لمحہ بھی ضائع نہ کیا جائے۔
علما نے کہا کہ پانچوں وقت کی نماز کو جماعت کے ساتھ پڑھنے کا اہتمام کریں، دن میں روزہ رکھیں رات کا بڑا حصہ عبادت میں گزاریں
انہوں نے کہا کہ تراویح اور تہجد کا اہتمام کریں، اللہ تعالی کا ذکر کریں اور امت مسلمہ کے لیے دعا کریں۔
حدیثوں میں آتا ہے کی اس رات میں حکمت والے کام کا فیصلہ کیا جاتا ہے، دوسرے معنی یہ ہے کہ یہ بڑی قدروں اور عظمت و شرف رکھنے والی رات ہے، جیسا کہ 'سورۃ القدر' میں تفصیل سے اللہ رب العزت نے بتایا ہے۔
شب قدر کی دو اہم علامتوں کا ذکر کیا گیا ہے کی یہ رات نہ تو بہت زیادہ گرم اور نہ بہت زیادہ ٹھنڈی ہوتی ہے، اور دوسری علامت یہ ہے کہ شب قدر کی صبح کو سورج کے طلوع ہونے کے وقت سورج کی شعائیں نہیں ہوتیں۔
وہیں شب قدر میں جس طرح سے چہل پہل ہوا کرتی تھی وہ لاک ڈاؤن کی وجہ سے نظر نہیں آرہی ہے، کیوںکہ کہ مسجدوں میں نماز پڑھنے والوں کی تعداد متعین کردی گئی ہے اور لاک ڈاؤن میں جو حکومت نے احکامات جاری کیے ہیں اس پر علماء حضرات نے عمل کرنے کی ہدایت کی ہے۔
