مدھیہ پردیش میں موسلادھار بارش کی پیشن گوئی

محکمہ موسمیات نے آئندہ تین روز میں ریاست مدھیہ پردیش میں تیز بارش ہونے کی پیشن گوئی کی ہے۔ اس دوران ریاست کے زیادہ تر حصوں میں موسلا دھار بارش ہو سکتی ہے۔

ضلع ساگر میں صبح سے ہی ڈویژنل ہیڈکوارٹر اور آس پاس کے علاقوں میں تیز بارش ہو رہی ہے جب کہ شیوپوری ضلع میں رک رک کر بارش ہو رہی ہے۔

محکمہ موسمیات کے مطابق ریاست کے وسطی ،مشرقی اور شمالی ڈویژن میں زیادہ تر مقامات پر آئندہ 48 گھنٹوں کے دوران شدید بارش ہونے کا امکان ہے حالانکہ ریاست کے دیگر حصوں میں بھی بارش ہونے یا بادل چھائے رہنے کا امکان ہے۔

دارالحکومت بھوپال اور آس پاس کے علاقوں میں بھی رک رک کر بارش ہورہی ہے یا مسلسل بادل چھائے ہوئے ہیں۔